بنت المسيح
عدد المساهمات : 85 تاريخ التسجيل : 07/05/2011
| موضوع: تعالوا نعرف ابليس اشتكى ليه الإثنين مايو 09, 2011 8:29 am | |
| لمحت ابليس على باب سفارة كندا ..بقول له على فين ..قال لي بصى ..يا هجره يا اعاره ..ياستى زهقت كفرت ..الاقيش معاكى سيجاره ..انا انتهيت خلاص ..لا نافع وسواس ولا خناس ..ولا ليا عيش وسط الناس دي عالم مجرمين ..عندكوا فائض ف الفساد ..في كل البلاد ..ومش محتاجين شياطين ..مليش عيش ف البلد دي ....بقالي سنين عاطل ...و انتوا بتعرفوا ..تقلبوا الحق باطل ..و تسلكوا القاتل ..و تمشوا ف جنازة المقتول ..ومفيش مشاكل ..يا عم ده انا بقيت أوسوس بالمقلوب ...و أقول للحرامي كفايه بقى توب ..انت هاتعمل كل الذنوب لوحدك ...و أنا ابليس أشتغل واعظ ..ولا كمساري ف اتوبيس ..يا عم ده انا زمان ..كنت استنى حد ينسى يسمى ..وهو بياكل لقمته ..دلوقتي كل اكلكم ملوث ..و بصراحه الواحد خايف على صحته ...ده مفيش ضمير اساسا ..عشان اموته ..و كل واحد بمزاجه ..خربانه ذمته ...يا عم ده كل حاجه اتسرقت ..وكده الاجيال الجديده ..م الحراميه اتظلمت ..يا راجل ده من كتر ما لطشت معايا ..خرجت ف مظاهره ..مع الناس اللي بتقول كفايه ...و برضه مفيش فايده | |
|
HaNy HaNa
عدد المساهمات : 1 تاريخ التسجيل : 24/01/2012
| موضوع: رد: تعالوا نعرف ابليس اشتكى ليه الثلاثاء يناير 24, 2012 3:09 am | |
| شكرررررررررررررررررررررررررررررررررررا | |
|