تاريخ التسجيل : 31/12/1969
 |  موضوع: عاجل دعوة للمشاركة المرة دي مش هتفوت حتى لو كلنا هنموت  الخميس مايو 12, 2011 10:57 am | |
| إلى جميع اخوتي وأخواتي الأحباء أعضاء منتدى الكنيسة العربية:
اعتصام الأقباط في ماسبيرو يجب أن نشارك كلنا في هذا الاعتصام كل منا حسب ظروف وقته وعمله أو دراسته... الاعتصام المرة دي أنا شايفه أهم بكتير من الاعتصام اللي فات...
الاعتصام اللي فات كنا بنتكلم عن جريمة صول واتفض الاعتصام وإدارة الدولة خدت الاتجاه الغير سليم في الحل وهو بناء الكنيسة في نفس مكانها بعد ضغط طبعا لأنهم كانوا عايزين يبنوها برة بلدة صول وتبقى سابقة جديدة وكل اللي متضايق من كنيسة يروح يهدها والحكومة تبنيها برة البلد...
عموما الخطأ كان في الاكتفاء ببناء الكنيسة والافراج عن أبونا متاؤس دون محاسبة الجناة أو تحقيق أي مطالب تانية زي الإفراج عن تاسوني مريم أو بناء مطرانية مغاغة والعدوة...
المرة دي إحنا معتصمين لأن عدم الردع اللي حصل في الجريمة الأولى مهد لجرائم متتالية كان آخرها مذبحة امبابة فأرجوكم يا إخوتي وأخواتي كلنا لازم نشارك...
عار علينا أن يتواجد كبار السن والأطفال (مسلمين ومسيحيين) ليطالبوا بحقوقنا في الاعتصام واحنا نبقى في بيوتنا خايفين نشارك أو متكاسلين عن المشاركة...
الاعتصام متأمن تماما من قبل قوات الأمن ومفيش أي حاجة تخوف...
أرجو المشاركة من الجميع حتى تتحقق مطالبنا العادلة...
المرة دي مش هتفوت
حتى لو كلنا هنموت | |
|
